打破思想框架 | 生日送咩好

打破思想框架 infographic

by大頭媽 /牛媽

 

生日點解一定要慶祝?唔去FB同你講Happy Birthday 係咪等如唔friend 先?唔送禮物畀你係咪要死呀? 有無試過揀禮物畀女友或老婆,行足十個商場九條街,淘寶淘足七日七夜都搵唔到一件有把握氹得佢地開心嘅禮物…… 

我地大頭家牛家*一向對節日同生日都唔會太着緊,從來唔會指定踏正正日先去慶祝,更加唔會有壓力為對方揀禮物。喺香港咁繁忙嘅生活,個個都想趁假期休息吓,享受吓自想做嘅嘢,咁點解仲要畀呢啲框框去加添自己嘅煩惱呢? 

開心其實可以好簡單,活過半百歲有多嘅我,只希望每日可以開開心心生活,盡量平衡生活和工作,多啲抽取時間與家人和朋友共眾(這是我努力建立呢個網頁嘅其中一個原因)。大家興之所至先一齊食下飯,根本就無需要限死一定要節日/生日嘅正日先去慶祝。對於我這個windsurfing family難得有靚風,就梗係先飛晒落水plane鑊勁先啦!

大頭妹為牛仔炮製的生日蛋糕……最yummy的tiramisu。

 

只要大家可以let go正日去慶祝生日/節日這個想法,嘗試跳出呢個框框,世界應該肯定美麗好多 :

例一 :女朋友唔再因你開OT陪唔到佢慶祝生日而吵大鑊。

例二:大家以後唔使焗食啲千篇一律嘅母親節套餐,呆企食肆兩粒鐘等位,和被迫九秒九食晒個指定套餐,然後連偈都傾唔到兩句就要埋單。

例三:風帆友就梗係最開心啦,因為可以plane到四肢虛脫然後先施施然上水。

至於買禮物方面,我覺得最緊要合對方心意。所謂「合心意」可以好實際又可以好抽象。對方若能開出一張wish list就最實際,既省時又不會造成浪費,而且更能切合對方真正需要。

最珍貴嘅禮物唔係佢表面嘅價值,而係送禮者嘅心意同背後載着嘅意義。千萬不要看輕一份小小嘅禮物,它可以讓你在失意的時候給予最大的鼓舞,讓你失去動力的時候給你最大的正能量。它那神奇的力量,有時甚至可以影響一個人的人生。

大頭妹為外公送上一頂自製的帽子,替患末期癌症的他打氣。

 

前香港滑浪風帆名將何智豪(左)贈牛仔(右)的小禮物,載着最激勵的動力,道出兩人說不出的情誼。

 

我經常鼓勵兒時的大頭妹(大女兒)和牛仔(兒子)運用他們的創意去製作不同的禮物贈予親友。創作過程不但能啟發小朋友的創意,令他們學懂廢物利用和珍惜地球資源,更能培養親子關係。

 

 運用廢物和牛仔一同製作出來的機械人。透過遊戲,向孩子灌輸環保意識,同時可增進親子關係。

 

  牛仔兒時為風帆好友製作的結婚賀卡。

 

 賀咭中刻劃出各風帆好友的特質。

 

最後,希望我這篇「肺話」可以給大家一些啟迪,如果唔啱聽就送去堆填區啦。本人今年生日最盼望大家能選擇以下方式為我慶祝(不設時限完成):

A 破除生活上一些無謂框框

B 好好教育下一代

C 愛惜地球資源,多運用創意作廢物利用

D 多抽空關懷和陪伴家人和朋友

E All of the above (如無必要千奇唔好揀呢個,因為我會愛死你!)

 

註: 大頭家/牛家* - 大女兒馬君正又名「大頭妹」;兒子馬君臨又名牛仔,因此朋友暱稱我家為「大頭家」/「牛家」

Liquid error: Could not find asset snippets/relatedblogs.liquid

Leave a comment